Papa Leoni i XIV zhvilloi të enjten një takim me kryeministrin e Republikës së Shqipërisë, Edi Rama, në Selinë e Shenjtë të Vatikanit.

Takimi u zhvillua në një klimë miqësore dhe shënoi një moment të rëndësishëm në marrëdhëniet tradicionalisht të mira mes Shqipërisë dhe Vatikanit.

Sipas njoftimit të Zyrës së Shtypit të Selisë së Shenjtë, bisedimet ishin të përzemërta dhe u theksua marrëdhënia e mirë ekzistuese ndërmjet Selisë së Shenjtë dhe Republikës së Shqipërisë. Në qendër të diskutimeve ishin tema me interes të përbashkët që lidhen me marrëdhëniet ndërmjet bashkësisë kishtare dhe asaj civile.

Një pjesë e rëndësishme e bisedimeve përfshiu edhe çështjet rajonale, duke përfshirë situatën në vendet e Ballkanit Perëndimor dhe rrugëtimin e Shqipërisë drejt integrimit të plotë në Bashkimin Evropian. Takimi u zhvillua në një klimë miqësore dhe shënoi një moment të rëndësishëm në marrëdhëniet tradicionale mes Shqipërisë dhe Vatikanit.

Ky vizitë konfirmon dialogun e vazhdueshëm mes dy institucioneve dhe tregon angazhimin e Shqipërisë për të thelluar bashkëpunimin me komunitetin ndërkombëtar, duke përfshirë edhe dialogun ndërfetar dhe çështjet sociale me ndikim në vend./Arbresh.info/